खानापुर : खानापूर तालुक्यात एकेकाळी सीमा चळवळीचे प्रणेते व साहित्याचे गाढे अभ्यासक स्वर्गीय श्रीमंत उदयसिंह दत्ताजीराव सरदेसाई यांचे नाव आजही चीर परिचित यांच्या आकस्मित जाण्याला दोन वर्षे उलटली तरी त्यांच्या आचार विचारांची देवाणघेवाण माणसापर्यंत पोहोचवण्यासाठी त्यांच्या जन्मदिनाच्या अमृत महोत्सवी वर्षानिमित्त खानापूर तालुक्यात मी मराठी आम्ही मराठी चळवळ जागृत ठेवण्यासाठी मराठी भाषिकांचा पालक मेळावा आज रविवार दि. 19 मार्च 2023 रोजी सकाळी ठीक 10 वाजता शुभम गार्डन जांबोटी रस्ता येथे आयोजित करण्यात आला आहे. या कार्यक्रमात मार्गदर्शन करण्यासाठी प्रमुख वक्ते म्हणून प्रसिद्ध शिवव्याख्याते व राजामाता जिजाऊ माँसाहेबांचे वंशज श्री नामदेवराव जाधव पुणे हे उपस्थित राहणार असल्याची माहिती खानापूर शिवस्मारक येथे शनिवारी बोलवलेल्या एका पत्रकार परिषदेत कै उदयसिंहराव सरदेसाई यांचे सुपुत्र व मेळाव्याचे स्वागताध्यक्ष, महाराष्ट्र एकीकरण समितीचे नेते श्री निरंजन सरदेसाई दिली.
निरंजन सरदेसाई म्हणाले, हा मेळावा केवळ खानापूर तालुक्यात मराठी भाषा संवर्धन व जागृती ठेवण्यासाठी आयोजित केला आहे यामागे कोणताही राजकीय स्वार्थ नाही आमच्या वडिलांना आज जाऊन दोन वर्षे उलटली तरी त्यांची आठवण आचार विचार निरंतर ठेवण्यासाठी त्यांच्या जन्मदिनाच्या अमृत व असे वर्षानिमित्त या कार्यक्रमाचे आयोजन केले आहे. खानापूर तालुक्यात अलीकडे होत चाललेली मराठीची मळगळ शाळांची गंभीर परिस्थिती बेरोजगारी विद्यार्थ्यांची आत्महत्या अशा गंभीर बाबीवर चर्चासत्र व प्रबोधनात्मक विचार मंथन या कार्यक्रमांतर्गत हाती घेण्यात येणार आहेत. यासाठीच शिवव्याख्याते व राजमाता जिजाऊ यांचे वंशज श्री नामदेवराव जाधव यांना निमंत्रित करण्यात आले आहे.
