चापगाव (खानापूर):
येथील ऐतिहासिक आणि नामांकित शिक्षण संस्था ‘मलप्रभा हायस्कूल, चापगाव’ येथे २००६-०७ या शैक्षणिक वर्षातील माजी विद्यार्थ्यांचा ‘स्नेहमेळावा’ अत्यंत उत्साहात आणि भावूक वातावरणात संपन्न झाला. तब्बल दोन दशकांनंतर (२० वर्षांनंतर) सर्व जुने वर्गमित्र शाळेच्या प्रांगणात एकत्र आल्यामुळे बालपणीच्या आठवणींना पुन्हा एकदा उजाळा मिळाला.
🌸 रुबाबदार फेटा आणि गुरुजनांचे डौलदार स्वागत
स्नेहमेळाव्यानिमित्त संपूर्ण शाळा परिसर आकर्षक विद्युत रोषणाईने उजळून निघाला होता. कार्यक्रमाची सुरुवात अतिशय दिमाखात झाली. कार्यक्रमाला उपस्थित राहिलेल्या सर्व निवृत्त व आजी गुरुजनांना सन्मानाने रुबाबदार फेटा बांधून आणि पुष्पगुच्छ देऊन त्यांचे डौलदार स्वागत करण्यात आले. आपल्या लाडक्या गुरूंना समोर पाहून अनेक माजी विद्यार्थ्यांचे डोळे आनंदाश्रूंनी भरून आले होते.
🕯️ दीप प्रज्वलन आणि व्यासपीठावरील उपस्थिती
कार्यक्रमाचे उद्घाटन निवृत्त मुख्याध्यापक भालचंद्र पाटील, निवृत्त शिक्षक बेळगावी, बी. डी. पाटील, वाय. वाय. पाटील, दळवाई आणि निडगलकर यांच्या हस्ते दीप प्रज्वलन करून करण्यात आले. कार्यक्रमाच्या अध्यक्षस्थानी शाळा व्यवस्थापन कमिटीचे अध्यक्ष पिराजी कुऱ्हाडे लाभले होते. याप्रसंगी व्यासपीठावर शाळेचे विद्यमान मुख्याध्यापक पी. बी. पाटील यांच्यासह संपूर्ण शिक्षक वर्ग उपस्थित होता.
“विद्यार्थ्यांनी गुरुजनांचा आदर राखावा” – निवृत्त मुख्याध्यापक भालचंद्र पाटील यांचे आवाहन
या प्रसंगी माजी विद्यार्थ्यांना मार्गदर्शन करताना निवृत्त मुख्याध्यापक भालचंद्र पाटील म्हणाले, “काळ बदलला तरी विद्यार्थ्यांनी आपल्या आयुष्यात गुरुजनांचा आदर कायम राखला पाहिजे. शाळा आपल्याला केवळ शिक्षण देत नाही, तर जगण्याचे संस्कार देते. आज २० वर्षांनंतर सर्व विद्यार्थ्यांनी एकत्र येऊन दाखवलेले हे प्रेम अभिमानास्पद आहे. प्रत्येकाने आपल्या शाळेच्या आठवणी आणि ऋणानुबंध नेहमी मनात ताजे ठेवावेत.आज “माझ्या विद्यार्थ्यांनी विविध क्षेत्रात मिळवलेले यश आणि त्यांचा हा अवर्णनीय जिव्हाळा हीच माझ्या आयुष्याची सर्वात मोठी कमाई आहे. चापगावच्या या मातीने आणि मलप्रभा हायस्कूलने मला खूप काही दिले.”
कार्यक्रमाचे सूत्रसंचालन सहशिक्षक तुकाराम सनदी, यांनी प्रास्ताविक उमेश सुतार, आभार दयानंद टक्केकर आभार प्रदर्शन यांनी केले.
✨ आठवणींचा सुवर्णकाळ आणि माजी विद्यार्थ्यांची उपस्थिती
या स्नेहमेळाव्याला २००६-०७ सालातील मोठ्या संख्येने माजी विद्यार्थी आणि विद्यार्थिनी उपस्थित होत्या. बऱ्याच वर्षांनंतर एकमेकांना भेटल्यामुळे प्रत्येकाने आपल्या शालेय जीवनातील गमतीजमती, मधल्या सुट्टीतली धमाल आणि शिक्षकांचा शिस्तीचा मार या आठवणींना उजाळा दिला. सर्व मित्रांनी एकत्र येऊन फोटो काढले आणि हा सोहळा कायमचा मनाच्या कप्प्यात साठवून घेतला.
कार्यक्रमाचे नियोजन आणि व्यवस्थापन २००६-०७ सालातील सर्व माजी विद्यार्थ्यांनी अत्यंत नेटकेपणाने केले होते. या वर्गमित्रांमध्ये महादेव कुऱ्हाडे – चापगांव, उमेश सुतार, कल्लाप्पा कुऱ्हाडे, पुन्नाप्पा कदम,मुरलीश्वर पाटील, पांडुरंग धबाले, फोडु पाटील मारूती कदम, संदीप पाटील, परशराम पाटील, राहुल पाटील विनोद पाटील, गंगाराम पाटील ज्योतिबा ना. पाटील,परशराम लोटूकर, राहुल पाटील – अल्लेहोल, सुनील पाटील, पंढरीनाथ तोरगल,दयानंद देवलकर – यडोगा, मोहन अंधारे, बसवाणी चौगले, विलास निलजंकर,, विठोबा ठाकूर, परशराम पवार,स्वाती बिर्जे, राजश्री पाटील, सातुली बिर्जे, शोभा कदम, गीता कदम, शोभा म. कदम, भारता जीवाई, मेनका कदम, भाग्यश्री पाटील – वडेबैल सिना पाटील, अर्चना पाटील,, मालन पाटील – कारलगा दिपा घाडी, वनश्री देसाई, सविता घाडी, रेशमा पाटील,
चापगाव येथे जिल्हा आदर्श शिक्षक भालचंद्र पाटील यांचा ६५ वा वाढदिवस साजरा; माजी विद्यार्थ्यांकडून सत्कार
येथील मलप्रभा हायस्कूलचे निवृत्त मुख्याध्यापक आणि ‘जिल्हा आदर्श शिक्षक’ पुरस्कार विजेते भालचंद्र पाटील यांचा ६५ वा वाढदिवस दि. 22 रोजी मलप्रभा हायस्कूलच्या प्रांगणात अत्यंत उत्साहात साजरा करण्यात आला. शाळेच्या माजी विद्यार्थ्यांच्या स्नेहमेळाव्याचे औचित्य साधून या भव्य कृतज्ञता सोहळ्याचे आयोजन करण्यात आले होते.
कार्यक्रमाच्या सुरुवातीला चापगाव आणि परिसरातील शेकडो माजी विद्यार्थ्यांनी एकत्र येत स्वागत केले. यानंतर सर्व माजी विद्यार्थ्यांच्या वतीने जिल्हा आदर्श शिक्षक भालचंद्र पाटील यांचा शाल, श्रीफळ, सन्मानचिन्ह आणि पुष्पहार देऊन भावुक वातावरणात जाहीर सत्कार करण्यात आला. आपल्या गुरूंनी घडवलेल्या आयुष्याबद्दल अनेक विद्यार्थ्यांनी या वेळी कृतज्ञता व्यक्त केली.
या सोहळ्याप्रसंगी उपस्थित राहिलेल्या शाळेच्या आजी-माजी शिक्षकांनी भालचंद्र पाटील यांच्या शैक्षणिक क्षेत्रातील अथांग योगदानाचा गौरव केला. पाटील सरांनी आपल्या कार्यकाळात शाळेला लावलेली शिस्त, गुणवत्तेत केलेली वाढ आणि विद्यार्थ्यांवर केलेले संस्कार यांमुळेच त्यांना ‘जिल्हा आदर्श शिक्षक’ हा बहुमान मिळाला, अशा आठवणी सहकाऱ्यांनी आपल्या भाषणातून जागवल्या.
आपल्या ६५ व्या वाढदिवसाचे औचित्य साधून निवृत्त मुख्याध्यापक भालचंद्र पाटील यांनी नेहमीप्रमाणे आपली सामाजिक बांधिलकी जपली. त्यांनी मलप्रभा हायस्कूलमधील इयत्ता आठवीच्या विद्यार्थ्यांना शालेय उपयोगी वस्तूंची (वही, पेन, शैक्षणिक साहित्य) देणगी दिली. सरांच्या या दातृत्वाचे आणि विद्यार्थ्यांबद्दलच्या प्रेमाचे सर्वांनी टाळ्यांच्या कडकडाटात स्वागत केले.
या सोहळ्याला चापगाव परिसरातील ग्रामस्थ, आजी-माजी शिक्षक आणि विद्यार्थी मोठ्या संख्येने उपस्थित होते.
