साहित्य संमेलन हे बेळगावातील एक केंद्रबिंदू निर्माण करणारा भाग आहे : साहित्यिक रणजीत चौगुले
मराठी भाषेच्या संवर्धनासाठी साहित्य संमेलने ही ऊर्जेचे केंद्रे बनत आहे : रणजित चौगुले
*अखिल भारतीय 5 वे बेळगाव मराठी साहित्य संमेलन : निमंत्रण पत्रिकेचे अनावरण
जेष्ठ साहित्यिक कृष्णात खोत संमेलनाध्यक्षपद भूषविणार*
बेळगाव (प्रतिनिधी ) : साहित्य संमेलन हे बेळगावातील एक केंद्रबिंदू निर्माण करणारा भाग आहे. मराठी भाषेच्या संवर्धनासाठी साहित्य संमेलने ही ऊर्जेचे केंद्रे बनत आहे. बेळगाव येथील मराठी साहित्य संस्कृती जतन करण्याचे कार्य येथील अतिशय जीव तोडून करण्याचे कार्य मराठी भाषेपर्यंत असतात त्याच्यामध्ये मराठी भाषा संस्कृती आणि अस्मिता टिकवण्यासाठी प्रत्येकाने पुढे येऊन कार्य करण्याची गरज निर्माण झाली आहे वेळोवेळी आज होणाऱ्या अन्याय अत्याचार रोखण्यासाठी माय मराठी च्या झेंड्याखाली एकत्र येऊन सेवा करण्याची वृत्ती वेळोवेळी निर्माण करायला हवी तरच आपली भाषा संस्कृती टिकू शकेल असे प्रतिपादन बेळगाव येथील सरदार हायस्कूल चे शिक्षक रणजित चौगुले यांनी केले.
अखिल भारतीय मराठी साहित्य परिषद व मराठा मंदिर आयोजित ‘ ५वे अखिल भारतीय बेळगाव मराठी साहित्य संमेलन -2024 ‘ रविवार दि .18 फेब्रुवरी 2024 रोजी मराठा मंदिर येथे आयोजित करण्यात आले आहे. याप्रसंगी निमंत्रण पत्रिकेचे अनावरण कार्यक्रम सोहळा मराठा मंदिर मध्ये शनिवार दि 17 फेब्रुवारी 2024 रोजी सायंकाळी सहा वाजता साहित्य संमेलनाच्या पूर्व तयारी संदर्भात घेण्यात आलेल्या बैठकीतून विविध विषयाची जबाबदारी देऊन जबाबदारीने कार्य करण्यासाठी व्यापक बैठकीतून वेगळे कार्याची विभागणी करून देण्यात आली. याप्रसंगी या बैठकीत विशेष असे नियोजन करून मराठी साहित्य संमेलन यशस्वी करण्यासंदर्भात या बैठकीतून विविध विषयांच्या वरती चर्चा करण्यात आली.. या आयोजित करण्यात आला होता. या कार्यक्रमाच्या अध्यक्षस्थानी रणजीत चौगुले उपस्थित होते.
यावेळी व्यासपीठावर रणजित चौगुले, उपाध्यक्ष राज्याध्यक्ष रवींद्र पाटील, संजय गौंडाडकर, परिषदचे जिल्हाध्यक्ष ॲड. सुधीर चव्हाण , महिला जिल्हाध्यक्षा अरुणा गोजे – पाटील , परिषदेचे उपाध्यक्ष डी. बी. पाटील, प्रा. निलेश शिंदे, आप्पासाहेब गुरव, महादेव चौगुले, एम.वाय. घाडी, संजय मोरे , संजय गुरव, सूरज कणबरकर व्यासपीठावर उपस्थित होते ; सर्व मान्यवरांच्या हस्ते साहित्य संमेलनाच्या आमंत्रण पत्रिकांचे अनावरण करण्यात आले याप्रसंगी व्यासपीठावरील सर्व प्रमुख मान्यवरांनी भाषणे केली.
स्वागत स्वप्नील जोगानी यांनी केले. प्रास्ताविक परिषदेचे उपाध्यक्ष डी. बी. पाटील यांनी संमेलन भरविण्याचा उद्देश स्पष्ट केला.
यावेळी एम.के. पाटील, मोहन अष्टेकर, एल.पी. पाटील , गणेश दाडीकर, संदिप तरळे, स्मिता चिंचणीकर, गीता घाडी, प्रा.मनिषा नाडगौडा, डॉ. संजीवनी खंडागळे, रोशणी हुंदरे, नेत्रा मेणसे, सविता वेसने, स्मिता किल्लेकर यासह विविध संस्थांचे पदाधिकारी सदस्य कर्मचारी विद्यार्थी पालक शिक्षक हितचिंतक आणि रसिक मोठ्या संख्येने उपस्थित होते.
कार्यक्रमाचे स्वरूप
यावेळी ५ वे अखिल भारतीय बेळगाव मराठी साहित्य संमेलनाचे संमेलनाध्यक्ष म्हणून जेष्ठ साहित्यिक कृष्णात खोत भूषविणार आहेत . त्यांना सन् 2023 चा साहित्य अकादामीचा पुरस्कार मिळाला आहे . संमेलनाचे स्वागताध्यक्षम्हणून शिवसंत संजय मोरे असणार आहेत.
सदरहू हे संमेत्रन तिन सत्रांत होणार आहे . गोवावेस येथून ग्रंथदिंडी सुरुवात होईल . संमेलनाच्या उद्घाटन सत्रात डॉ सदानंद मोरे यांनी संपादित व दीर्घ प्रस्तावना असलेल्या ‘ शिवराजाभिषेक : भारतातील इतिहासातील असामान्य घटना ‘या पुस्तकाचे प्रकाशन
तसेच गीताकर सीमाकवी रवींद्र पाटील आणि शरद गोरे यांनी संगीतबद्ध असलेले सुप्रसिद्ध पार्श्वगायक ज्ञानेश्वर मेश्राम यांनी स्वरबद्ध केलेले गीत ‘अखंड महाराष्ट्राचा लढा ‘ या ध्वनिमुद्रीत गीताचा प्रकाशन सोहळा संपन्न होईल .
पहिल्या सत्रांत – अध्यक्षीय भाषण , दुसरे सत्र – व्याख्यान शिवराज्याभिषेक : भारताच्या इतिहासातील असामान्य घटना ‘ या विषयावर व्याख्याते -प्रा. गणेश राऊत यांचे व्याख्यान
आणि तिसऱ्या सत्रात – कोल्हापूर जिल्हा मराठी अध्यापक संघ प्रस्तूत ‘ महाराष्ट्राची लोकधारा ‘ हा लोककलेतून प्रबोधन व मनोरंजन ‘ असा सांस्कृतिक कार्यक्रम सादर केला जाणार आहे . अशी माहिती राज्याध्यक्ष रवींद्र पाटील यांनी दिली .
सदर साहित्य संमेलन लोकवर्गणी होत असून दरवर्षी सढळ हस्ते देणगी देणाऱ्या मान्यवरांच्या उपस्थितीत उद्घाटन सत्र संपन्न होणार आहे . संमेलन यशस्वी करण्याकरीता परिषदेचे पदाधिकारी परिश्रम घेत आहेत .
यावेळी सूत्रसंचालन एम. के. पाटील यांनी केले. आभार एल.पी.पाटील यांनी मानले.
फोटो ओळी
बेळगांव : मार्गदर्शन करताना मराठा मंदिराचे अध्यक्ष श्री आप्पासाहेब गुरव साहित्य संमेलनाच्या पूर्व पूर्वतयारी निमित्त घेण्यात आलेल्या बैठकीतून मार्गदर्शन करताना. बाजूला रणजीत चौगुले, सुधीर चव्हाण डी.बी. पाटील, प्रा निलेश शिंदे, रवी पाटील, आणि इतर मान्यवर मंडळी
