खानापूर : लोकमान्य भवन येथे ९ सप्टेंबर रोजी होणारा कार्यक्रम स्थगित; नवीन तारीख नंतर जाहीर होणार
खानापूर : खानापूर शहरातील लोकमान्य भवन येथे बुधवार, दि. ९ सप्टेंबर २०२६ रोजी सकाळी १० वाजता आयोजित करण्यात आलेला तालुकास्तरीय प्रजासेवा आंदोलन कार्यक्रम पुन्हा पुढे ढकलण्यात आला आहे. जिल्हाधिकारी, बेळगावी यांच्या दि. ८ सप्टेंबर २०२६ रोजीच्या पत्रानुसार ही माहिती खानापूर तहसीलदार कार्यालयामार्फत कळविण्यात आली आहे.
जिल्हा पालकमंत्र्यांच्या अध्यक्षतेखाली आयोजित करण्यात आलेल्या या कार्यक्रमात जनतेच्या भेटी घेऊन त्यांच्या तक्रारी, अडचणी व गाऱ्हाणे ऐकून घेणे तसेच त्यांचे अर्ज स्वीकारणे अपेक्षित होते. लोकमान्य भवन, माकावी पेट्रोल पंपाजवळ, खानापूर येथे हा कार्यक्रम होणार होता.
मात्र, जिल्हाधिकाऱ्यांच्या निर्देशानुसार सदर कार्यक्रम पुढे ढकलण्यात आला असून, नवीन तारीख नंतर कळविण्यात येणार आहे. त्यामुळे नागरिकांनी याची नोंद घ्यावी, असे तहसीलदार कार्यालयामार्फत कळविण्यात आले आहे.
— खानापूर तहसीलदार कार्यालय
